Түркістан облысының облыстық клиникалық ауруханасында, көпбейінді аурухана жағдайында алғашқы рет нейрохирургия бөлімшесінде жаңа технологиялар мен девайстарды қолдана отырып, омыртқаның мойын бөлігінің дегенеративті аурулары кезінде ота жүргізілді. С5-С6 деңгейіндегі омыртқааралық дискінің грыжасын алып, осы деңгейде функционалды кейдж орнату отасы жасалынды. Бұл кейдждің ерекшелігі-пациент осы омыртқа сегменттінде қозғалғыштығын жоғалтпайды. Операция ерте оңалтуға мүмкіндік беретін микрохирургиялық әдіспен жасалынады. Операциядан кейін науқас бір сағаттан кейін өзіне қызмет етіп, жүре алады және операциядан кейін 3-4 күнде үйіне шығарылады. Бүгінгі таңда ОКБ нейрохирургия бөлімшесінде 8 ота сәтті жасалынды.