"Областная клиническая больница Туркестанской области"

Нейроорталық – 102 төсек-орын

Нейрохирургия бөлімшесі

Нейрохирургия бөлімшесі 18 төсек-орынға арналған.

Бөлімшеде орындалатын оталардың түрін айта кетсек:

– Бас ми және жұлын ісіктеріне микрохирургиялық оталар;
– Бастың сүйекті-пластикалық трепанациясы арқылы бас сүйек ішілік және ми ішілік гематомаларды жою;
– Трепанациядан кейінгі сүйекті ақауларды 3D модельдеу арқылы реконструкциялау;
– Шунт орнату оталары (вентрикулоперитонеостомия);
– Омыртқа жотасының тұрақсыздығында тұрақтандыру оталары (омыртқа аралық кейджерді орналастыру, динамикалық жүйелерді қолдану арқылы транспедикулярлы фиксация, металлоконструкция орнату);

– мидың тамырларына эндоваскулярлы жоғарғы дәрежелі ота түрлері (ми тамыры аневризмаларын және артериовенозды мальформацияларды эмболизациялау, ішкі ұйқы артерияларының тарылуы кезінде стент қою және жедел ишемиялық инсульт кезінде ішкі ұйқы артерияларынан тромбтарды алу;
– омыртқааралық жарықтарын кіші инвазивті әдістер арқылы емдеу;
– лазерлі нуклеотомия, микродискэктомия, үшкіл нервтің невралгиясы кезінде радиожиілікті денервациялау.
– Бет нервісінің (гемифациальный спазм) және үшкіл нервтің невралгиясы кезіндегі микроваслярлы декомпрессия жасау оталары және тағы да басқа оталар жасалады.

Неврология бөлімшесі

Түркістан облысының неврология қызметінің тарихы өткен ғасырдың алпысыншы жылдарынан басталады.
Қазіргі уақытта неврология бөлімшесі 6-шы корпустың 4-ші қабатында орналасқан, неврология бөлімшесінде науқастар емделетін 32 орын бар.
Дәрігерлер кесте бойынша Шымкент қаласы мен аудандарға санитарлық авиация желісінде шақыртумен тәулік бойы қызмет етеді.
Бөлімшенің күнделікті өміріне өздерінің білімдері мен тәжірибелерін арнап жүрген жоғары білікті медбикелер де жетерлік.

Инсульт бөлімшесі

Инсульт бөлімшесі 24 төсек-орнына арналған. Онда невропатолог, реаниматолог, нейрохирург, кардиолог, психиатр, логопед, реабилитолог, жаттығу терапиясының нұсқаушылары, массаж терапевттері, медбикелерден тұратын көпсалалы ұжым жұмыс істейді.
Инсульттан кейін адам бәрін қайтадан үйренуі керек, яғни жүру, ішу, сөйлесу. Сондықтан емдеуден кейін медбике, әлеуметтік қызметкер, логопед, психолог, жаттығу терапиясының нұсқаушысы және эрготерапевт кіретін пәнаралық топтар тартылуы керек.
Облыстық клиникалық аурухана жанындағы инсульт орталығы III деңгейлі орталық болып табылады. Инсульт орталығы инсультпен ауыратын науқастарды емдеуде жаңа технологиялар мен инновацияларды енгізетін жоғары мамандандырылған ғана емес, сонымен қатар облыстағы барлық инсультолог дәрігерлерінің оқу-әдістемелік орталығы болып саналады.

Оңалту бөлімшесі

2020 жылдың қаңтар айында Облыстық клиникалық аурухана негізінде 28 төсек орын қамтитын қалпына келтіру және медициналық оңалту бөлімшесі ашылды.
Бөлімшеде “неврология және нейрохирургия”, “травматология және ортопедия”, “кардиология және кардиохирургия” бейіндері бойынша жедел инсульт, миокард инфарктісін бастан откерген, бас және жұлын жарақаттары мен оталары, ірі буындарды алмастыру оталарынан кейін 6 ай ішінде пациенттерге медициналық оңалтудың екінші кезеңі жүргізіледі.

Ағымдағы жылың наурыз айында «онкология» бейіні қосылып, 10 неврологиялық, 10 ортопедиялық, 5 онкологиялық, 3 нейрохирургиялық, 2 кардиологиялық төсек орын бөлінді.
Бөлімшеде кинезотерапия және механотерапия залдары, физиотерапия, массаж, эрготерапия және логопед сабақтарын жүргізетін бөлмелер қажетті

оңалту құрал жабдықтарымен толыққанды жабдықталған: ARTROMOT®К1 тізе және жамбас буындарына, ARTROMOT®Е2 шынтақ буынға арналған аппарат, ARTROMOT®F саусақ және қол тренажері, Oxycycle III аяқ және қол қимылын қалпына келтіруге арналған көпфункционалды тренажер, NS-WL-TH660C шынтақ пен иық буындары мен бұлшықеттерді нығайтуға арналған тренажер, Hand TUTOR биологиялық кері байланысы бар қолды оңалту жүйесі, “КИНЕЗО-сарапшы”кинезитерапиялық Бобат үстелі, “Альтерстеп” жүрудің дұрыс стереотипін үйрету және қалыптастыру электронды баспалдағы, “КОРВИТ” табан тіреу жүктемесінің имитаторы, түрлі тренажерлар және Поток1- электр тогымен, “Полимаг” – магнитпен, “МедТеКо” – ультрадыбыспен, BTL лазермен емдейтін, “Диаденс” бұлшықеттерді электроынталандыратын және де басқа физиотерапиялық аппараттар пайдаланылады.

• Рентгеноперациялық ангиография кабинеті
  
  Бөлімшеде Түркістан облысы мен Шымкент қаласының тұрғындарына, ми қан айналымы бұзылған пациенттерге, жүрек тамырларының, магистральдық және перифериялық қан тамырларының зақымдануларына, өт жолдарының обтурациялық аурулары кезінде, онкологиялық науқастарға, сондай-ақ жүрек ритағы мен өткізгіштігі бұзылған пациенттерге шұғыл және жоспарлы білікті медициналық көмек және жоғары технологиялық медициналық қызметтер көрсетіледі. Бөлімде орнатылған ангиографиялық биплан жүйесі сәулелік жүктеменің орташа 75% төмендеуімен жоғары визуализация сапасын қамтамасыз етеді, үлкен көру өрісімен, жақсартылған ажыратымдылығымен және контрастымен ерекшеленеді, бұл теңдесі жоқ сапалы кескіндерді алуға мүмкіндік береді. Бұл интервенциялық рентгенохирургия мамандарына сапалы жоғары деңгейде араласуға көмектеседі. Қан тамырлары ауруларын диагностикалау саласындағы аппараттың мүмкіндіктері орасан зор. Ангиографиялық қондырғыны орнатудан бастап бүгінгі күнге дейінгі кезеңде бөлімшеде 4000-нан астам хирургиялық және диагностикалық араласулар орындалды, мысалы:

*Артерия және тамыр аурулары бар науқастарда диагнозды диагностикалау және тексеру мақсатында аортоартериография және флебография;
*Диагностика және алдын алу мақсатында жүрек-қан тамырлары аурулары кезіндегі коронарография;
*Бас және мойын тамырлары ауруларындағы селективті церебральды ангиография (аневризмалар, стеноздар, окклюзиялар, АВМ, ККС, гиперваскулярлық өсінділер және т. б.);
*Бүйрек түзілуіне күдік туындаған кезде, сондай-ақ бүйрек трансплантациясына донорларды дайындау тұрғысынан нефровазография;
*Төменгі аяқ артерияларының стеноздық және окклюзиялық аурулары кезінде төменгі аяқ артерияларын стенттеу және ангиопластика;
*Ишемиялық инсульттің алдын алу және емдеу мақсатында артериялардың стеноздық және окклюзиялық аурулары кезінде ұйқы және омыртқа артерияларын стенттеу;
*Жүрек-қан тамырлары аурулары кезінде коронарлық артерияларды стенттеу (ST сегментін көтеретін және ST сегментін көтермейтін Жедел коронарлық синдром, жедел миокард инфарктісі);
*Кеуде және құрсақ қолқасының аневризмалық кеңеюі кезінде стент-графт имплантациясы (VTMP);
*Химиотерапияға арналған веноздық порт жүйелерін орнату және имплантациялау;
*Гемодиализге арналған тұрақты катетерлерді орнату және имплантациялау;
*Тері арқылы, бауырдан тыс холангиография және холангиостомия (ЧХС), сондай-ақ өт жолдары мен ұйқы безі басының түзілуінде және холедохолитиазбен асқынған өт тас ауруында бауырдан тыс дренаждарды ауыстыру бойынша операциялар;
*Өт шығару жүйесінің ісіктері кезінде холедохты стенттеу;
*Қайталанатын ПЭТ және төменгі аяқ тамырларының флотациялық тромбоздары үшін Кава сүзгісін имплантациялау және алып тастау;
*Іштің абсцессі мен кисталарын тері арқылы ағызу;
*Мидың ишемиялық инсультіндегі механикалық тромбоэкстракция және тромбоаспирация;
*Гемморагиялық инсульт (САК)кезіндегі ми аневризмаларының эмболизациясы;
*Жатыр миомасы және простата гиперплазиясы кезінде жатыр және простата артерияларының эмболизациясы;
*Қатерлі ісіктердегі бауыр артериясының химиоэмболизациясы;
*Порталдық гипертензия және спленомегалия кезінде көкбауыр артериясының эмболизациясы;
*Өңеш пен асқазанның варикозды тамырларынан қан кетумен асқынған бауыр циррозында өңеш пен асқазанның варикозды тамырларының эмболизациясы;
*Варикоцеле кезінде аталық без венасының эмболизациясы;
*Әйелдерде жамбас варикозды тамырларында аналық без венасының эмболизациясы.