![about us icon](https://okb-trk.kz/wp-content/themes/medicine-shymkent/vendor/img/icon-about-us.png)
Онкологиялық орталық – 105 төсек-орын
№ 3 КДП
Түркістан облысының №3 КДЕ (онкополиклиника) Түркістан облысының тұрғындарына қызмет көрсетеді. №3 КДП-да онкопатологияға күдікті пациенттер тексеруден өтеді және консультацияланады, қатерлі ісіктері бар диспансерлік есепте тұрған пациенттер байқалады.
Онкополиклиникада күн сайын онкохирургтардың, химиотерапевттің, рентгенологтың қатысуымен мультидисциплинарлық топтың (МДГ) отырыстары өткізіледі, онда пациенттің клиникалық диагнозы белгіленеді және пациентті емдеу және жүргізу тактикасы айқындалады.
№3 КДЕ-да қабылдауды келесі мамандар жүргізеді: лор-онколог, онкомаммолог, кеуде онкохирургі, іш қуысы онкохирургі, онкопроктолог, онкоуролог, онкогинеколог, химиотерапевт, онкодерматолог, эндоскопист, ультрадыбыстық дәрігер, терапевт, психолог.
Барлығы 13 жұмыс кабинеті бар, оның ішінде 3 маммологиялық кабинет (қабылдауды 3 дәрігер жүргізеді), 1 онкоуролог және онкопроктолог кабинеті, 3 онкохирург қабылдау кабинеті (1 лор-онколог кабинеті), 1 химиотерапевт кабинеті, 1 амбулаториялық химиотерапия кабинеті, 1 онкогинеколог кабинеті, 1 терапевт және психолог кабинеті, 1 ультрадыбыстық зерттеу кабинеті, эндоскопияға арналған 1 кабинет, скринингтік маммограммаларды оқуға арналған 1 рентгенолог кабинеті. Сондай-ақ, емдеу бөлмесі, таңу бөлмесі бар.
Химиотерапия бөлімшесі
Облыстық клиникалық ауруханасында 04.02.2019 жылы химиотерапия бөлімшесі ашылды.
Бұл бөлімшеде 65 төсек орын бар. Бөлімшеде қатерлі ісікке химиотерапиялық ем, иммунотерапиялық, таргеттік, гормоналдық және де кешенді ем жасалынады. Бауырдың химоэмболизациясы және жатыр артериясының эмболизациясы жүргізіледі.
Химиялық препараттарды медбике арнайы дайындық бөлмесінде дайындайды. Химиотерапия – онкологиялық аурудың себебіне деструктивті әсер ететін және ағзадағы сау және зақымдалған жасушаларына химиялық дәрі-дәрмектердің көмегімен емдеу әдісі. Онкологияда бұл емдеу әдісінің бірнеше классификациясы бар.
Қазіргі таңда заманауи химиотерапияның бірнеше түрлері бар.
Таргетті терапия – препараттар рак клеткаларына молекулалық деңгейде әсер етеді, олар метаболизмге әсер етіп, типтік емес жасушалардың өзін-өзі жою процесін бастайды. Бұл әдістің басты артықшылығы – пациенттің сау мүшелері мен тіндеріне жағымсыз әсер етудің толықтай дерлік болмауы, соның салдарынан жанама әсерлер қауіпі аз болады.
Иммунотерапия – бұл ісікпен күресу үшін иммундық жүйені пайдаланатын қатерлі ісік ауруын емдеу.
Жыл сайын химиотерапия бөлімшесінде түрлі өкпе, сүт безі, асқазан, тоқ ішек және тік ішек обыры, өңеш обыры, аналық без, жатыр мойны обыры, эндометрия, қуық, аталық без обыры, жұмсақ тіндердің эәне сүйектердің саркомалары, миеломалар, бас миының ісіктері және де басқалармен науқастанған пациенттер жоғарыда көрсетілген барлық ем түрлерін алады.
Онкохирургия бөлімшесі
Онкохирургия бөлімшесі Облыстық клиникалық ауруханасының базасында 2019 жылда, 40 төсек-орынға ашылды.
Онкохирургия бөлімшесінде күрделі оталар жүргізіледі.
Айта кетсек: Асқазан-өңеш ісіктерінде – радикалды гастрэктомия, Льюис бойынша өңештің субтоталды резекциясы.
Ішектің ісіктеріндегі келесі оталар: Гемиколэктомия, Тік ішектің алдыңғы резекциясы, тік ішектің экстирпациясы.
Бауыр-ұйқы безі қатерлі ісіктерінде: Бауыр резекциясы, гемигепатэктомия, ұйқы безінің корпокаудалды резекциясы, гастропанкреатодуоденалды резекция (Whipple отасы).
Онкоуролог мамандарымыз жасайтын бүйрек ісіктеріндегі: Радикалды нефрэктомия, қуық және простата ісіктеріндегі – Цистпростатэктомия, Бриккер бойынша реконструкция отасы.
Өкпенің ісік аруларында – лобэктомия, пульмонэктомия оталары, мойын бас мүшелерінің ісік ауруларында – тиреоидэктомия, құлақ маңы безінің ісіктерін алу оталары жүргізіледі.
Сонымен қатар, әйел жыныс мүшелерінің және сүт безінің қатерлі және қатерсіз ісік ауруларын ашық хирургиялық жолмен және де заманауи технологияларды қолданып оталар жасалынып жүр.
Айта кетер болсақ: Жатыр мойны ісігінде – радикалды С1 типіндегі гистерэктомия, лапароскопиялық тоталды гистерэктомия; ісіктің соңғы сатыларында көрші органдарға өскенде жасалатын – жамбас қуыс органдарының экзентерациясы.
Маммолог мамандарымыз жасайтын: Радикалды мастэктомия, сүт безінің сектаралды резекциясы, пластикалық-реконструкциялық оталар жасалуда.
Бөлімше жұмысының басты мақсаты – облыс халқына жоғары мамандандырылған медициналық көмек көрсетуді жақсарту.
Байланыстар
ГКП на ПХВ "Областная клиническая больница Туркестанской области"Мекен-жайы:
Email:
ул. Майлыкожа, д. 4
gkkp_okb@mail.ru